見到香港十號風球的片段，不禁令我諗起上年聖誕節喺法羅群島時遇上的hurricane。聖誕節對當地人黎講係非常重要，就好似中國人的農曆新年咁，屋企人會聚埋一齊，食餐飯拆下禮物咁。點知平安夜前夕已經話會打風，男朋友爸爸已經預備好平安夜十人大餐，大家都好失望，驚搞唔成個聖誕party。幸運地平安夜當晚真係好平安，過左個愉快的晚上。但到左25號就黎料啦，全日風聲不斷，無人夠膽出街，我地全日留喺屋企玩board game。但d風大到好似就黎要吹爆d窗咁。玩玩下仲要特然停電，無燈唔緊要，我地點蠟燭，最慘係無左暖氣😭😭喺屋企都要披件大褸上身。法羅群島冬天日照時間短，3點已經天黑。於是就係咁，我地過左個又凍又黑又恐怖的難忘聖誕。第二日睇新聞，好多屋的屋頂被吹走，車被吹出馬路，但無人命傷亡。
講左咁多，大家未必get到有幾大風。不如同十號風球天鴿比較下。天鴿掛10號波時時速約118公里或以上，而上年喺聖誕吹襲法羅群島的Gertrude時速達283公里。1962年吹襲香港的超級颱風溫黛的最大陣風係時速230公里，當時有183人死亡。所以上年喺法羅群島個風係時速上黎睇係仲勁過溫黛架。
個風有幾勁？大家可以睇下條YouTube 片
***其實hurricane 同typoon係同一樣野，只係唔同地方有唔同叫法。喺大西洋同東太平洋係叫hurricane，而喺西太平洋就叫typhoon
https://m.youtube.com/watch?v=0oPlC584OxE
Search